پاکستان فٹبال ٹیم کے ونگر اوٹس خان سعودی عرب میں سکواڈ میں شامل ہونے کے لیے روانہ

2026ء فیفا ورلڈ کپ کوالیفائر میں اپنے دوسرے راؤنڈ کے افتتاحی میچ کے لیے پاکستان کا مقابلہ 16 نومبر کو الفتح اسٹیڈیم میں سعودی عرب سے ہوگا-

لاہور (اردو پوائنٹ تازہ ترین اخبار ۔ 13 نومبر 2023ء ) پاکستان فٹبال ٹیم کے فارورڈ اوٹس خان انگلینڈ سے سعودی عرب روانہ ہو گئے ہیں جہاں وہ اپنے باقی ساتھیوں کے ساتھ شامل ہوں گے

اوٹس کو پاکستان کے 24 رکنی سکواڈ میں شامل کیا گیا تھا جو آئندہ فیفا ورلڈ کپ کوالیفائر میچوں میں سعودی عرب اور تاجکستان کا مقابلہ کرے گا۔ اوٹس خان کچھ دن پہلے انجری سے واپس آئے تھے جب انہوں نے مورکیمبے کے خلاف اپنے کلب کا میچ شروع کیا تھا۔

Grimsby Town نے میچ 3-2 سے جیت لیا ، اوٹس خان نے FIFA ورلڈ کپ کوالیفائرز کے دوسرے راؤنڈ میں اپنے ملک کے ڈیبیو میچ سے قبل پچ پر کچھ اہم منٹ گزارے۔ پاکستان میں مقیم پاکستانی فٹ بال ٹیم کے کھلاڑی 11 نومبر 2023 کو سعودی عرب پہنچے تھے جبکہ ڈاسپورا کھلاڑی یورپ کے اندر مختلف لیگز میں اپنے میچز کھیلنے کے بعد اسکواڈ میں شامل ہو رہے ہیں

 فیفا ورلڈ کپ کوالیفائر میں اپنے دوسرے راؤنڈ کے افتتاحی میچ کے لیے پاکستان کا مقابلہ 16 نومبر 2023ء کو الفتح اسٹیڈیم میں سعودی عرب سے ہوگا۔

میچ پاکستانی وقت کے مطابق رات 9:30 بجے شروع ہوگا۔ اس کے بعد ٹیم فیفا ورلڈ کپ کوالیفائر میں دوسرے راؤنڈ کے دوسرے میچ میں تاجکستان کا سامنا کرنے کے لیے پاکستان واپس آئے گی۔ یہ میچ جناح اسٹیڈیم اسلام آباد میں 21 نومبر 2023ء کو پاکستانی وقت کے مطابق دوپہر 2 بجے ہونا ہے۔